Inkludering
Frå debatten i Arendal. Foto: uutilsynet.no
Ein elev skal ikkje vere avhengig av å møte den rette læraren, gå på den rette skulen eller ha foreldre som kan kjempe for å få den hjelpa eleven treng. Likevel tyder fleire kunnskapsgrunnlag på at nettopp slike forhold framleis kan vere avgjerande. 25 år etter at NOU’en «Fra bruker til borger» må vi spørje: Kvifor blir ansvaret for inkludering framleis lagt på eleven og familien, når vi så lenge har visst at barrierane må løysast på systemnivå?
Utgangspunktet var mellom anna skulelydboksaka, og kor viktig tilgang til lydbøker og andre tilgjengelege læremiddel er for elevar med dysleksi og andre lesevanskar. Men debatten handla om noko større: Korleis sikrar vi at alle elevar får reelle moglegheiter til å lære, meistre og delta i skulen – også når dei har andre føresetnader enn fleirtalet?
Kilde: uutilsynet.no
